கோவா பயணம் - 6

 

(8)

காலை 6;30 மணிக்கு மீண்டும் ராமாசாமி, சுபா வீடு சென்று, ஒரு அருமையான காபி அருந்தி விட்டு, 7;00 மணிக்கு பயணத்தை தொடங்கினோம். காலை 10 மணி அளவில் ஓகனேகல் சென்று சேர்ந்தோம்

கோவா பயணம் - 5

 

(6)

நண்பர்களின் கூடுகை மூன்றாம் நாளும் தொடர்ந்தது. ஆனால் நாங்கள் இருவரும் காலை ஏழு மணிக்கு முன்பாகவே ஹம்பி நோக்கிய பயணத்தை தொடங்கினோம். மீண்டும் மேற்குத்தொடர்ச்சி மலை வழியாக தக்காண பீடபூமிக்குள் நுழைந்தோம். சுமார் ஏழு மணி நேர பயணம்.

கோவா பயணம் - 4

 

(5)

காலை ஏழுமணிக்கு கோவா நோக்கி பயணிக்கத் தொடங்கினோம். சுமார் நான்கு மணிநேர பயணம். கோவா எல்லைக்குள் நுழைந்த உடன் கோவா போலீஸ், சிறப்பான வரவேற்பை (Warm Welcome) அளித்தது.

கோவா பயணம் - 3

(3)

காலை சுமார் 6;30 மணி அளவில் பயணத்தை தொடங்கினோம். 7;30 மணிக்கு சற்று முன்பு ஹளபீடு ஹொய்சாலேஸ்வரா கோவிலுக்கு சென்று சேர்ந்தோம். காலை உணவுக்கு பிறகு கோவிலுக்குள் சென்றோம். இது இரண்டு கருவறைகளை கொண்ட கோவில். ஒரு கருவறையில் சிவலிங்கம் உள்ளது. மற்றதில் உள்ள சிலை, பிரிட்டீஷ் ஆட்சி காலத்தில், ஐரோப்பாவுக்கு எடுத்து செல்லப்பட்டது. ஹொய்சால கோவில்களிலிருந்து எடுத்து செல்லப்பட்ட கலை பொக்கிஷங்கள், கோபன்ஹேகன் மியூசியத்தில் இருப்பதாக வாசித்த நினைவு இருக்கிறது.

கோவா பயணம் - 2

(2)

எனது கார், 16 வருடம் வயதுடையது.  A/c repair, Oil change, Wheel alignment  போன்ற அடிப்படை பராமரிப்பு பணிகளை முடித்து விட்டு பயணத்திற்காக காத்திருந்தோம்.வாகனத்தின் வயதை கருத்தில் கொண்டு, எந்த வகையான break-down – க்கும் தயாராகவே இருந்தோம். அவ்வாறு ஏற்பட்டால் எந்தவித ஏமாற்றங்களும் இல்லாமல், பயணத்தை முடித்துக்கொள்ள தயாராக இருந்தோம்.

கோவா பயணம் - 1

(1)

மார்ச் மாதத்தில் நண்பன் ரகுராமனிடமிருந்து ஒரு அழைப்பு. ஜூன் மாதத்தில் கோவாவில் ஒரு நண்பர்கள் சந்திப்பை ஏற்பாடு செய்திருப்பதாகவும் எனது வரவை எதிர்பார்பதாகவும் கூறினான். ஒரு நாள் எடுத்துக்கொண்டு எனது வருகையை உறுதி செய்தேன். அந்த ஒருநாள் தயக்கத்துக்கான இரண்டு காரணங்களையும் இங்கு கூறிவிடலாம்.

தெரியாதது

 பெயர் தெரியாத

நீலமா பச்சையா, தெரியாத ஒரு நிறத்தில்

அழகான குருவி.

Deepawali/Diwali – 2021

 Certain laziness set-in the mind due to the arriving Deepawali on next day, last night sat down in front of TV for a movie. The combination of OTT sites, smart TV (with, possibly a reasonably good sound system) and internet is slowly changing the game of movie experience. The Cinema halls may soon face the fate of STD/ISD booths of pre-mobile phone era. And this pre-Deepawali laziness, prompted me to search for the movie “Sardar Udham” – Few days ago read an article about the background of this movie.

யோகம்

 பூத்திருக்கும் மலர்

செடியின் சிரிப்பு.

வீசும் தென்றலில்

சிரிப்பு விரிகிறது.

புயலின் உக்கிரத்தில்

சிரிப்பும் உச்சமடைந்து அழிகிறது.

கருத்தியல்வாதம் - Idealism

 சமீபத்தில் Analytic Idealism என்னும் கருத்தியல் வாதத்தின் ஒரு கிளை பற்றி அறிய வாய்ப்பு கிடைத்தது. பெர்னாடோ காஸ்த்ரப் (Bernardo Kastrup) என்பவருடைய, Analytical Idealism குறித்த அறிமுக காணொளிகள். ஏழு காணொளிகள், சுமார் ஆறு மணி நேரம். பத்து நாட்களில் பார்த்து/கேட்டு முடித்தேன்.

நிலைப்பாடுகள்.

 

மனிதர்கள் எடுக்கும் நிலைப்பாடுகள் வழியாகவே அவர்கள் ஆளுமை வெளிப்படுகிறது. நிலைப்பாடுகள் தனிமனிதர்களின் கருத்து, அறிவு, சூழல் போன்றவை காரணமாகவோ அல்லது அவர்களின் உணர்வுகள் காரணமாகவோ அல்லது அவற்றின் கலவைகளின் காரணமாகவோ இருக்கலாம். அவை மனிதர்கள் விழிப்புணர்வுடன் எடுத்த நிலைப்பாடுகளாகவோ அல்லது எதற்கு என தெரியாமல் அவர்களை அறியாமலே எடுத்ததாகவோ இருக்கலாம். எவ்வாறாக இருந்தாலும், அவர்களின் உணர்வு அல்லது அறிவின் எல்லைகள், நிலைப்பாடுகளையும், எனவே ஆளுமையையும் வகுத்தளிக்கின்றன.

மீண்டும்…..

Blog – இல் கடந்த நான்காண்டுகளாக எதுவும் எழுதவில்லை. எழுதாமல் இருப்பது எனக்குத் தேவையாக இருந்தது. எதையாவது எழுதுவதற்காக, அகப்பயணத்திற்கான என் நேரத்தை இழந்ததைப்போல தோன்றியது. மேலும் என் எண்ணங்களை அறுதியான உண்மைகள் என எழுதும் த்வனி சில பதிவுகளிலும். சில காலத்திற்குப்பிறகு படித்தால் அபத்தமாகத் தோன்றுவது பல பதிவுகளிலுமாக குளறுபடிகள் விரவி இருக்கிறது. இந்தக்  குறைபாடுகளை களையாமல் எழுதுவதும் அவற்றை Blog-இல் பதிப்பதும் சரியானதாகத் தோன்றவில்லை.  

அவர்

 

அவர்

அவரைப் பற்றிய நினைவுகளை தொகுத்துக்கொள்ள வேண்டும். தன் வாழ்க்கையை முடித்துக்கொண்ட இந்த நேரம் அதற்கான ஒரு தூண்டுதலாக இருக்கட்டும்.   

இவை அறுதியான உண்மைகளாக இருக்கவேண்டும் என்பதில்லை. ஆனால் அவரைக்குறித்த என் எண்ணங்களின் பதிவு என்றநிலையில் உண்மையாக இருக்க வேண்டியது அவசியமாகிறது.   அவரிடமிருந்து நான் விலகியிருக்கும் தூரத்தை அறிய இது எனக்கொரு வாய்ப்பு! அந்த தூரமே, நான் தனிமனிதனா அல்லது இன்னொருவரின் அப்பட்டமான பிரதியா என உணர்த்தும். உண்மையில் முற்றாக விடுதலை அடைந்தவர்கள் தவிர மற்றவர்கள் முற்றிலும் தனிமனிதர்களாக இருக்க வாய்ப்பில்லை. அதே நேரத்தில், முற்றிலும் ஒருபிரதியாக இருப்பதும் வாழ்க்கை நமக்கு அளிக்கும் வாய்ப்பை இழப்பதே.

அபத்தங்கள்

18-03-2017 அன்று சிறகு இணையப்பத்திரிகையில் பதிப்பிக்கப்பட்டது....

சுற்றிலும் தினம் தோறும் நிகழும் நிகழ்வுகளில் பெரும்பான்மையினரின் கவனத்தைப் பெறும் நிகழ்வுகள், நிகழ்வுகளின் உச்சங்களா அல்லது வெறும் அபத்தங்களா? ஒருவித மனநிலையில் இருக்கும்போது உச்சங்களாகத் தோன்றும் அதே நிகழ்வுகள் இன்னொரு மனநிலையில் அபத்தங்களாகத் தோன்றுகிறது. இதில் எது காட்சிப் பிழை? அல்லது இரண்டுமே காட்சிப் பிழைகளா? எனில் உண்மைதான் என்ன? உண்மையை அறிய முடியுமா?

பண்பாட்டு அறிதல்களில் தொடர்ச்சி

13-01-2017 அன்று சிறகு இணையப்பத்திரிகையில் பதிப்பிக்கப்பட்டது.

மானுட அறிதல் ஒரு தொடர் செயல்பாடு. பிற மனிதர்கள் அறிந்தவற்றை கற்றுக் கொள்ளும் திறனை பெற்றிருப்பதால்தான் மானுட சமூகம், பிற உயிரினங்களிலிருந்து வேறுபட்டு,  அறிவு செயல் வளர்ச்சிகளில் பெரும் பாய்ச்சலை நிகழ்த்தியிருக்கிறது. இன்றைய தனி மனிதன் அறிந்திருப்பது அனைத்தும் முன்னோர்கள் அறிந்தவற்றின் ஒரு துளி மாத்திரமே. முன்னோர்கள் என்பது, மானுட சமூகத்தின் மொத்த முந்தைய தலைமுறைகள் அனைத்தையும் இங்கு குறிக்கிறது. இக்காலத்தில் புதியதாக எதையாவது அறிகிறோமானால், அது முன்னோர்கள் அறிந்தவற்றை மேடையாக்கி, அதன் மேல் நின்றுகொண்டுதான் அறிகிறோம். ஆனால் அத்தகயை புதிய அறிதல்கள் நிகழ்வது மிகவும் அபூர்வமே. அதாவது, நாம் தனிமனிதர்கள் அறிந்தவை எனக் கூறுபவற்றில் பெரும்பான்மையானவை முன்னோர்களின் சுய தேடுதலால் தங்கள் உயிரை எரித்து அடைந்த ஒளியில் அறிந்தவைகளின் சில துளிகளே. அவர்கள் அளித்த அறிவுக்காக, நன்றி தெரிவிக்க வேண்டிய அவசியம் இல்லை. ஏனெனில் அத்தகைய அறிதலின் தொடர்ச்சி மானுட இயல்பு. ஆனால், தங்கள் அறிவு முன்னோர்களின் கொடையே என அறியும் மனம், அறிதலில் அடுத்த பாய்ச்சலுக்கான ஏவுதளம். அத்தகைய மனம், முன்னோர்களின் அறிதலை அதற்கான மரியாதையுடனும் எனவே புதிய அறிதலுக்கான விழிப்புடனும் அணுகும்.

பிம்பம்

மலையோரச் சாலையில்

மோட்டார் சைக்கிளில் செல்கிறேன்.

பின்னோக்கிக் கண்ணாடியில் கண்ட

மலைக் காட்டின்

அழகிய பிம்பத்தில்

லயித்த கணம் நிலைதடுமாறிய வண்டியை

நிலைப்படுத்தினேன்.

காட்சியும் பிம்பமும்

இல்லாமல் ஆனது அக்கணத்தில்.

சற்றே தொலைவில் இருக்கும்

நண்பனின் இருப்பிடத்தில்

சற்று நேரத்தில் சென்று விடுவேன்.

சில பிம்பங்களை நானும்

மேலும் சில பிம்பங்களை அவனும்

பகிர்ந்து கொள்வோம்.

அதன் பின்

நானென் வழியில், அவன் தன் பாதையில்!

வாசிப்பு

சிறகு இணையப் பத்திரிகையில் 25-12-2016 அன்று பதிப்பிக்கப் பட்டது.

எழுத்தறிவை அடைவதன் அடிப்படைக் காரணம் வாசிப்பு. வாசிப்பிலிருந்தே அறிதலென்னும் விருட்சத்தின் பெரும்பாலான  கிளைகள் கிளைக்கின்றன. அறிதல் வாழ்வை செறிவுள்ளதாக்குகிறது. அறிதல்கள் தடைசெய்யப்பட்ட அல்லது மட்டுப்படுத்தப்பட்ட வாழ்க்கை உண்மையில் மனிதன் வாழும் எல்லையைச் சுருக்குகிறது, அனுபவங்களை அடைவதிலிருந்து விலக்குகிறது. அனுபவங்களின் விரிவே வாழ்க்கையின் விரிவு.

விடுதலை

சிறு தும்பியின்

சிறகசைவில்

உதிர்ந்த

காட்டுப்பூ இதழுக்கு

அது

விடுதலை

புகை

பல ஆயிரம் புகை கக்கும்

வாகனங்கள் சுமந்து வந்த மனிதர்கள்,

காடழித்து

அகழ்ந்தெடுத்த கரி உமிழ்ந்த புகை

குளிரூட்டிய அலுவலக அறைகளில்,

வடிவமைத்து தொகுத்தெடுத்த

ஆழ்துளை கிணறுகளும், எண்ணை வாயு ஆலைகளும்,

மீண்டும் புகைகக்கி

புகையுண்ட மின்சாரம் தின்று

புகையுமிழும் வாகனத்தில்

வந்த சிவப்பு உருளை

புகையின்றி எரிகிறது

எங்கள் வீட்டு அடுப்பில்.

பசியறிதல்

நேற்றுக் காலை எழுந்த என் ''டீன் ஏஜ்'' மகளுக்கு

அன்னையுடன் சிறு பூசல்.

எப்போதும் போல

குழந்தைமையின் திமிருடன்

உணவுண்ண மாட்டேனென்று ''உம்''மென்று சென்றமர்ந்தாள்.

கையிலிருந்த கண்ணாடி முப்பட்டகத்தில் (Prism)

காலை ஒளியின் விலகலை நோக்கியிருந்தாள்.

காலை சென்றது.

மதிய ஒளியின் செறிவு கூடியது.

அந்தி மயங்கி ஒளியவிந்தது.

அன்னையின் கருணை

பொருத்தமில்லா திமிரில் மோதி சற்றே

திசை மாறியிருந்தது-

காலையில் மிரட்டல்

மதியத்தில் மெல்லிய அழைப்பு

அந்தியில் சிறு கெஞ்சல்.

அவளில் எரிந்தவிந்தது பசி.

எரிந்தவிந்த பசி, துளிர்த்து வாடிய திமிர், மோதி திசைமாறிய கருணை

சேர்ந்து உண்டது சில  பழத் துண்டுகளை.

இன்று காலை எழும்பிய

அவளின், அன்னையின் கொஞ்சல்களில்

நேற்றின் எச்சம் சற்றும் இல்லை.

பார்த்து நின்ற என் புன்னகை

சுவர் கண்ணாடியில் தெரிந்த

என் முக பிம்பத்தில் விரிந்திருந்தது.